|
Droga quhet “Hymka”, narkotik i lëngshëm
që merret në mënyrë intravenoze, shumë
i popullarizuar ndër të rinjtë ukrainas. Arsyeja
e popullaritetit të saj është e thjeshtë: është
efektive dhe e lirë.
Për gjashtë vjet me radhë Alona Matrayera, motër
mjeksore 26 vjeçare dhe nënë e një djali 8
vjeçar, ka përdorur hymkën disa herë në
javë.
Këtë e bënte edhe burri i saj. Matrayera thotë
se ajo gjithmonë ka përdorur gjilpëra të pastra.
Por, në pranverën e kaluar, testi tregoi se ishte infektuar
nga virusi HIV.
“Kurr nuk kam menduar se do të ndodhte diç e
keqe”-thotë Alona, e cila tani është e shtrirë
në klinikën e mjekimit të SIDA-s në spitalin
e ODESSA-s.
Edhe burri i saj është infektuar nga virusi HIV, por nuk
dëshiron të shtrihet në spital.
“Ai është jashtë, duke injektuar drogë
në trupin e tij”-thotë Matrayera.
Për popujt e ish-Bashkimit Sovjetik duket se epoka e sidës
vetëm se ka filluar.
Tani atje është sikur në vitet e tetëdhjeta
në SHBA dhe Evropë, kur SIDA sapo kishte filluar të
prekte vetëdijen qytetare.
Në Ukrainë, Rusi dhe vendet tjera të ish BRSS, injorimi
i sidës është gjë normale, por kjo nuk do të
jetë kështu edhe në të ardhmen. Vitin e kaluar
zyrtarët bellorusë kumtuan se gjysma e narkomanëve
që marrin drogën me gjilpëra, numri i të cilëve
sillet rreth 7000, janë infektuar vetë me virusin HIV.
Në portin e Detit të Zi, në qytetin Odessa, gjatë
vitit 2003, janë evidentuar rreth 7000 të infektuar me
virusin e SIDA-s që do të thotë gati gjysma e 13000
të infektuarve në të gjithë shtetin. E tërë
kjo dallon shumë nga statistika e vitit 95 kur janë regjistruar
vetëm 34 raste të infektimit me HIV.
Në Rusi situata është edhe më alarmante. “Ky
është vetëm fillimi”, thotë Oleg Penin,
mjeku kryesor në repartin për SIDA-n të qytetit Odessa.
“Në vendin tonë ku mbretëron një krizë
e madhe ekonomike, me shtim të madh të papunësisë
dhe me përdorim të madh të drogave, vetëm edhe
sida na mungonte”.
Rritja e shpejtë e numrit të të sëmurëve
në ish BRSS është vështirë të ndalet,
sepse asnjëra nga këto vende nuk ka mundësi mjeksore
për trajtim adekuat të sindromit.
Në SHBA u nevojitën më shumë se dhjetë
vjet për edukimin masiv të popullatës dhe miliona
dollarë që numri i të infektuarve të SIDA-s
të stabilizohet.
Sot Rusia është aq e dobët ekonomikisht sa që
nuk ka para të paguaj ushtarët, apo pensionet, e lërë
më të formojë fond për luftë kundër
SIDA-s.
“Duket sikur qëndrojmë në plazh dhe presim
që nja valë e madhe të vijë drejtë nesh”,
thotë një shkencëtar rus i mjeksisë.
“Ne e dimë, e shohim por skemi çka të bëjmë”.
Lena është një punëtore 27 vjeçare e
një banke në Moskë, e cila thotë se ajo ishte
tronditur kur vitin e kaluar kuptoi se ajo kishte sifilisin, edhe
pse ajo gjatë vitit të kaluar pati më shumë
se 10 partnerë, me të cilët nuk kishte përdorur
kondomë.
Lena nuk e din se nga cili prej tyre e kishte marrë sëmundjen.
“Unë kam dalur vetëm me persona të respektuar
moskovitë. Kurrë nuk kam menduar se ndonjëri prej
tyre do të më infektonte”-thotë Lena.
Edhe tash ajo nuk don që të ndryshojë mënyrën
e jetës.
“Unë as tash nuk përdor kondomë”, thotë
ajo, edhe pse për shërim ka shpenzuar më shumë
se 1000 dollarë, që është katër rroga të
saj.
“Kemi vetëm një jetë për të jetuar,
njerëzit sëmuren nga sëmundje të ndryshme, kështu
e ka jeta”, shton Lena.
Personat që kërkojnë ndihmë pranohen nga spitalet
e pajisura dobët dhe me personel që nuk është
i informuar mbi metodat e reja për luftë kundër sidës.
Shumica e spitaleve ruse nuk kanë mundësi materiale që
të sigurojnë barërat e reja kundër SIDA-s, të
cilat tani përdoren në SHBA.
Shumë zyrtarë mjekësorë privatisht thonë
se mungesa e parapërgatitjes, në kuptim të pamundësisë
për ndihmë, do ta bëjë Sida-n të rrezikshme
aq sa është gjithkund.
|
