Liri Berisha

E ka një shembull pozitiv politika shqiptare, kur bashkëshortja e një pushtetari të lartë rrezatonte vetëm vlera. Të mësuar në këto 13 vjet, kur shumica e vendimeve të kryeministrave, presidentëve apo edhe ministrave e deri drejtorë ndërmarrjesh shpesh paracaktohen e dalin edhe nga gjysma tjetër e tyre, vetëm një bën përjashtim. Kjo është Liri Berisha, mjekja aq e vlerësuar dhe e respektuar në spitale e klinika dhe në shumë familje në Tiranë e jashtë saj. Të gjithë ata që kanë patur mundësitë dhe fatin ta njohin, e vlerësojnë si një grua aq sa me kulturë të gjerë, por aq të thjeshtë, të gjindshme e të dashur...
...Aq sa fjalë pak e punë shumë po aq e vlerësuar dhe e respektuar. Por mbi të gjitha vlera më e madhe e kësaj gruaje qëndron në atë që ka pasqyruar e pasquron në krah të bashkëshortit e saj në sy të publikut. E kemi parë ish-first ladyn në krah të presidentit të jetë në vendin dhe rolin e saj po aq e gëzuar sa numri një i shtetit në arritjet dhe gëzimet e Shqipërisë.
Por e kemi parë po aq të mërzitur dhe të pagjumë, kur në sytë e bashkëshrtit rezatohej shqetësimi, mërzija, mundimi, stresi për dramat dhe hallet e mëdha të shtetit, vendit e kombit. Por, ama në asnjë rast të vetëm dhe askush nuk di që kjo grua fisnike të ketë ndikuar apo ndërhyrë tek Berisha në punët e brendshme të partisë e të shtetit, duke i fryrë në vesh dhe imponuar një dëshire apo përzgjedhje të saj. A nuk mund të quhet kjo modeli ideal i një first lady? Na e do mendja që shumica thotë “po” dhe të tjerët janë në minorancë. Nëse i bëjmë një kronologji pa emra shefave të shtetit, gratë e tyre kanë ndikuar jo pak tek ta. Këtu nuk po përmedndim rastin e Xhoanës, e cila në media është kthyer në një persoanzh shumë herë më i përfolur se sa bashkëshorti, pikërisht për këto preferenca e influenca. Por, rasti i Liri Berishës gjykojmë se qëndron shumë larg të gjithëve. Dhe, jo vetëm ata sot mbajnë poste të larta, por edhe te ata që e kanë ndërmend një gjë të tillë, duhet të mendojnë edhe për gruan në krah, për ta mbajtur e lënë të nderuar në vendin dhe rolin e vet. Se historia botërore ka treguar se pikërisht ato kanë qënë shumë vendimtare dhe fatale në momente kyçe të mbretërimit të një monarku të lashtësisë apo të qeverisjes së një kryeshtetari të koheve më të vona.