Me albumin e tij të ri "Sacred Love" Sting apelon në të mirën e njeriut.

"Sacred Love" është albumi juaj i parë pas katër vitesh. Pse ka zgjatur kaq shumë?
STING: Unë mendoj se në kokën time ky album ka filluar qysh në natën e 11 Shtatorit 2001. Më është dashur plotë një vit duke menduar për ngjarjet e ndodhura. Pastaj lufta në Afganistan dhe eskalimi në Irak. Bota ndodhej në trazira e unë doja që me këngët e mija t`a reflektoj një pamje të përmbledhur.

Pra, nga personalja në univerzale?
STING: Po. P.sh. kënga "Send Your Love Into The Future" ka një mesazh të thjeshtë: Gjërat të cilat bëhen nga dashuria dhe dashamirësia ndikojnë në të ardhmen.

A është kjo zgjidhje për konfliktet aktuale?
STING: Unë nuk kam zgjidhje. Për atë nuk jam mjaft intelegjent. Por e dij se lufta nuk është zgjidhje. E dij se zgjidhja e problemit të Lindjes së afërme nuk ndodhet në shpërthimin në ajër të vetëvrasësve në autobusa me udhëtarë, e as në bombardimin nga helikopterët të shtëpive dhe automobilave të njerëzve. Për ta parë këtë nuk duhet të jesh shumë i menqur.

Ju posa punuat me Craig David dhe tani në albumin e ri me Mary J. Blige...
STING: Është shumë mirë t`a ndash barrën me artistët tjerë, të cilët rrespektohen. Unë i pyes çdoherë fëmijët e mi: "A është kjo cool?" - "Oh po, babi. Craig David, Mary J. Blige, më të vërtetë cool!"

Ju jeni një babë i qetë. Ndërsa në media ju paraqesin si Playboy dhe avanturist. Si përballeni me këto mite?
STING: Unë i dua ato - vërtetë! Ato më lejojnë mua të jem ai që jam. Këta Sting-ët tjerë fluturojnë rrotull, disa më përngjajnë e ca tjerë jo. Aty gjindet ai i marri, egoisti arrogant. Pastaj egziston edhe ai tipi i cili e shpëton botën, asnjëri nga ta nuk egziston vërtetë. Unë qëndroj diku në mes dhe ndihem shumë i lumtur.