SUPE KREM ME QOFTE
Nevojiten: 250 gr mish viçi, 1 qepë, 1 lugë oriz, 2 ve. 1 gotë qumësht, 1 lugë gjalpë, 2 lugë miell. 1/2 limonit. majdanoz. krypë, piper dhe 1.5 l lëng mishi.
Mishi i bagëtive të reja ose i viçit kalohet dy herë në makinë për bluarje së bashku me qepët, Në masën e mishit qitet krypë, piper i zi (i bluar), majdanoz i grirë imët, të bardhët e vezëve dhe orizi gjysmë i zier. Të gjitha këto përzihen dhe ndahen në pjesë të vogla me madhësi sa një arrë. Duhet patur kujdes që të mos qitet oriz më tepër, sepse gjatë zierjes qoftet hapen. Qoftet e përgatitura, të ngjeshura pak, fërgohen me pak gjalpë, shtohet uji i vluar (aq sa nevojitet për supë) dhe lihet të ziejnë 10-15 minuta. Në një tenxhere tjetër fërgohet pak miell me gjalpë, shtohet qumështi dhe lëngu i qofteve. Përzihen shpejt që të mos krijohen kokërrza, kështu bëhet një masë e hollë si supë krem e zakonshme. Pas kësaj rrihen të kuqtë e mbetura të vezëve, hollohen pak me lëngun e supës, shtohet lëng limoni dhe qiten në supë. Në fund, qiten edhe qoftet e pastaj supa rregullohet me majdanoz të grirë imtë dhe piper të zi.

PAÇE
Nevojiten: 10 petë bakllavaje të gatuara në shtëpi ose të blera, 1/2 kg mish viçi ose qengji, 5 ve, 4 luqë miell, 1 gotë kos ose ajkë e thartë, 2-3 thelpinj hudhre, yndyrë (gjalpël, krypë, piper.
Në nje tepsi radhiten petët, duke e spërkatur çdonjërën me yndyrë, futen në furrë e piqen derisa të skuqen. Ndërkohë, në fëltere me pak yndyrë. fërgohet mjelli (mejanja), por duke pasur kujdes që të mos skuqet shumë. Mejanja pervëlohet me një përzierje të lëngut të mishit, kosit, veve dhe hudhrave të shtypura, dhe i qitet kripa dhe piperi. Gjatë kësaj kohe duhet të jetë zier mishi me pak ujë dhe kripe. Lihet pak të ftohet e pastaj grimcohet në copa të imëta, qitet në yndyrë të skuqur (gjalpë), pëzihet dhe spërkatet me pak piper të kuq, Petët e pjekura përvëlohen me lëngun e mishit, mbi to qitet mejanja e fërguar dhe e trashur e sipër saj qiten copat e grimcuara të mishit. Rrafshohen mirë e pastaj priten në copa dhe servohen.

HOSHAF ME FIQ TE THATE
Nevojiten: 1 l. qumësht, 1 filxhan çaji fiq të thatë, 1 filxhan sheqer, pak kanellë.
Zihet qumështi, i qitet sheqeri dhe lihet të ftohet si kur zihet kosi, Fiqtë grihen hollë, përzihen me pak qumësht të nxehtë dhe shtypen që të treten pak. Qiten në qumësht, përzihen mirë, ndahen nëpër enë - gota ku shërbehen dhe mbulohen (si kur zihet kosi). Pas një ore futen në frigorifer e para servimit u qitet nga pak kanellë (sipas dëshirës).

LËNG (Shurup) FTONJSH
Nevojiten: Për 1 kq ftonj nevojiten 800-1000 qrsheqer. 1 limon ose 1 qese limontos.
Ftonjtë qërohen nga lëvorja, ndahen në 4 pjesë, u hiqen farët dhe zemrat dhe lihen në ujë të ftohtë me lëng limoni (që të mos nxihen). Zihen farat dhe zemrat, kullohen, përzihen me ujin në të cilin kanë qenë ftonjtë, të cilët ndërkohë janë prerë në feta më të holla dhe zihen përfundimisht rreth 30 minuta. Kullohen dhe qiten në tenxhere tjetër, u qitet sheqeri dhe zihen në zjarr të ngadaltë derisa masa të trashet pak. Gjatë zierjes vazhdimisht hiqet shkuma që del në sipërfaqe, Kur të jetë trashur lëngu (shurupi), këtë mund ta vëreni me një eksperiment të vogël - qiten disa pika shurupi në fixhan me ujë të ftohtë dhe nëse nuk treten atëherë zierja ka përfunduar, qitet nëpër shishe qelqi ose gavanozë dhe mbyllet e lihet në vend të ftohtë.

REÇEL RRUSHI
Nevojiten: Për 1 kg rrush duhen 1 kg sheqer dhe 2 gota ujë.
Për reçel është i mirë rrushi kokërrmadh, pa fara. Në mungesë të këtij lloji rrushi merret rrushi kokërrmadh farat e të cilit hiqen me një krrabëz (të dedikuar për heqjen e bërthamave dhe farave të pemëve të tjera). Rrushi pastrohet nga bishtat lahet kullohet dhe me kullojsë futet në ujë të vluar ku mbahet 2-3 minuta. Pasi të përfundojë tërë rrushi, uji ku është përvëluar përgatitet si shurup, duke ia qitur sheqerin dhe vluar edhe 10 minuta, Në të përsëri qitet rrushi lihet të qëndrojë (larg zjarrit) 8-10 orë, pastaj zihet edhe rreth 5 minuta, Edhe pas kësaj lihet të qëndrojë 8-10 orë dhe përsëri zihet edhe rreth 5 minuta. Pra, kështu veprohet 2-3 herë e pastaj reçeli zihet përfundimisht dhe qitet nëpër gavanozë, mbyllet mirë dhe lihet në vend të flohtë deri në përdorim.