Stina e verës tashmë lajmëron fillimin e minifundeve, bluzave të hapura dhe sidomos plazhit. Një lëkurë femërore e pastër, e lëmuar dhe pa qime? Nuk është një luks, por një domosdoshmëri. Si të depilohemi?
Gjithçka varet nga zonat për të cilat jeni të interesuara që të depiloni. Në qoftë se do të depiloheni në shtëpi mund të përdorni kremin depilator ose depilatorin elektrik. Një metodë shumë e mirë për pjesët e vogla është elektroagulacioni.

Mënyrat e depilimit
Kremi prej dylli. Dylli është një mënyrë e shpejtë që ka efekt të gjatë dhe e aplikueshme sidomos për pjesë të trupit jo shumë delikate si këmbët dhe mustaqet. Në përgjithësi është me bazë mjalti. Vendoset kremi i dyllit në zonën që do të depilohet, pastaj në kontakt me dyllin vendosen ngjitëse që më pas hiqen me një tërheqje të vetme. Është tërheqja e fortë ajo që mund të shkaktojë dhe një farë dëmtimi të lehtë të lëkurës. Ndonjëherë mendohet se është ngjyra e dyllit ajo që shkakton një plasaritje dhe fryrje të kapilarëve. Kjo nuk është aspak e vërtetë, sepse është tërheqja ajo që shkakton fryrjen dhe plasaritjen e kapilarëve. Ja pse është më mirë që depilimi me dyll të bëhet në një institut bukurie. Estetistja ka më shumë praktikë, është e shpejtë dhe përdor më pak tërheqje për të përfunduar depilimin dhe sa më pak tërheqje të bëhen aq më mirë është.

Kremi depilator
Është një metodë e lehtë, e shpejtë dhe me kohëzgjatje më të vogël se sa dylli. Produkti mund të shfaqë alergji në lëkurë prandaj është më mirë që më parë të bëhet një test i vogël. Në të shumtën e rasteve depilimi është i nevojshëm që të përsëritet pas një jave. Duke tërhequr qimet tani në verë mund të zbehet dhe ngjyra që merr trupi duke u ngjitur në ngjitëse. E njëjta gjë ndodh dhe me dyllin. Bashkë me qimet ai heq dhe një pjesë të ngjyrës së lëkurës, por depilimi me dyll është më i preferueshëm sepse përsëritet vetëm pas një muaji.
Elektroagulacioni
Bëhet fjalë për zhdukjen e qimeve nëpërmjet rrymës elektrike të futur nëpërmjet një ageje në brendësi të rrënjës për të shkrirë qimen. Një teknologji e saktë, e sigurtë dhe pa dhimbje që mund të jetë dhe definitive. Kjo nuk mund të thuhet me saktësi sepse në rritjen e qimeve influencojnë dhe faktorë që nuk mund të kontrollohen nga prodhimet farmaceutike. Në çdo rast është një metodë e mirë sidomos në qoftë se do të depilohen zona të vogla. Sot teknika është shumë e sofistikuar. Shkarkimi i rrymës elekrtike mund të ndryshohet në bazë të lëkurës dhe të qimes së përsonit. Pas dy apo tre seancash shikohet një përmirësim shumë i madh i zhdukjes së qimeve ndërsa pas pesë seancash një shkatërrim i plotë i tyre.
Lazer
Mbi këtë metodë nuk mund të thuhet gjithçka me vendosmëri. Është një teknikë e kohëve të fundit ndaj dhe mund të lërë pezull shumë dyshime. Vetë fakti që rrezet lazer janë aq të përfolura le vend për dyshime. Ka raste kur qimet kanë filluar të rriten përsëri. Nuk dihet akoma me siguri se si funksionon dhe pse shumë njerëz e shikojnë si një zgjidhje për të mos patur më qime.
Krem që rrallon rritjen.
Përpara elektrokoagulacionit mund të përdoret një krem që rrallon rritjen e qimeve. Kjo do të thjeshtonte trajtimin. I njëjti krem mund të përdoret dhe pas dyllit, kremit depilator apo dhe briskut.
Duhet të kujdesesh para dhe pas depilimit. Felikoliti
Felikoliti në të vërtetë është një qime që rritet brenda në mish, e cila është sulmuar nga bakterie në brendësi të rrënjës. Janë infeksione të shkaktuara kryesisht nga mungesa e higjenës ose përdorimi i aksesorëve si piskatorja apo ngjitëset e përdorura për të hequr dyllin. Në qoftë se keni felikolit, nuk mund të depiloheni në të njëjtën zonë. Duhet ta mbani atë pjesë të lëkurës të pastër dhe ta dizinfektoni herë pas here. Më mirë se sa t’i kurosh felikolitet është mirë që t’i evitosh ato. Kjo bëhet duke mbajtur një higjenë të mirë para dhe pas depilimit.
Para depilimit duhet:
-Të bëni një skrub (larje) të lëkurës për të hequr papastërtitë e vogla dhe për t’u siguruar që të gjitha qimet janë të ngitura për të mos rrezikuar futjen e tyre në mish.
- Më pas lyeni pjesën që do të depiloni me një solucion kundër tharjes së lëkurës duke e freskuar më pas me një solucion menteje që e pastron thellësisht atë.
Pas depilimit duhet:
-Të heqësh të gjitha mbetjet që mund të ketë lënë depilatori si dylli, brisku apo mjete të tjera me një copë të njomur me vaj ose dhe me vaj esencial kamomili.
- Të përdorësh kremëra apo vajra që të zbusin pjesën e sipërme të lëkurës e cila është acaruar gjatë depilimit.
- Lëkura nuk duhet të parfumohet kurrë menjëherë pas depilimit.
Këto rregulla vlejnë për çdo tip lëkure dhe qimeje dhe duhet të ndiqen si në shtëpi ashtu dhe në institutet e bukurisë. Bëni kujdes! Pas depilimit mund të shfaqen shumë pika të vogla të kuqe në lëkurë. Në qoftë se nuk zhduken duhet të drejtoheni tek dermatologu, sepse mund të jenë treguese të mungesës së vitaminës A.